مبارزان کمونیست
پەیامی پلینۆمی 14ی کۆمیتەی ناوەندی حیزبی کۆمۆنیستی کرێکاریی کوردستان بۆ کرێکارانی نه‌وتی بەسرە!
هاوڕیان کرێکارانی نه‌وتی به‌سره!
ئێمه ئاگاداری هه‌واڵی مانگرتن و ناڕه‌زایه‌تیه‌کانی چه‌ند ڕۆژی ڕابردووی ئێوەین و نمونه‌ی راوه‌ستاوی و ڕیزی یه‌کگرتوو و خه‌باتکارانه‌تان ، له‌پێناو به‌ده‌ستهێنانی داخوازیه‌کاندا، بینی. بێنێمان که‌چۆن هاتنه‌مه‌یدان وخستنه‌ڕووی داخوازیه‌کانتان بۆباشکردنی هه‌لومه‌رجی کارو ژیانی کرێکارانی نه‌وت، چۆن خاوه‌ن کۆمپانیاو نوێنه‌رانی ده‌وله‌تی بۆرژوازی و داروده‌سته‌کانیان، ناچار به‌گفتوگۆ و دانیشتن له‌گه‌ڵ نوێنه‌رانی کرێکاراندا کرد. ئه‌م حه‌ره‌که‌ته‌ی ئێوه، نه‌ک هه‌ر نیشانه‌یه‌که له ده‌وره‌یه‌کی پرشنگدار و ئومیدبه‌خشی بزووتنه‌وه‌ی کرێکاری له عێراق، به‌ڵکو له فه‌زای سیاسی ئێستای ناوچه‌که و کۆمه‌لگای عێراقدا، ئاسۆ و سه‌نگه‌رێکی چینایه‌تی و خه‌باتکارانه‌ی جیاوازی خستۆته به‌رده‌م کۆمه‌ڵگا‌وه. هاوکات ئه‌و په‌یامه شۆڕشگێرانه‌یشمان پێده‌به‌خشێ، که رزگارکردنی خه‌ڵکی عێراق له جه‌نگ و تیرۆرو کاولکاریه‌ک که ده‌سته‌وتاقمی بۆرژوازی و ده‌سه‌لاته‌که‌یان، وه‌‌ڕییان خستووه، کارێکە ئه‌کرێت ئەنجام بدرێت…
هاوڕیانی کرێکار!
بێگومان کرێکارانی نەوت وه‌ک بەشێکی گرنگی چینی کرێکاری عیراق، قورساییەکی گەورەیان هەیە و ده‌توانن ڕۆڵێکی هه‌ستیار و چاره‌نوسساز بگێڕن له به‌ده‌سته‌وه‌گرتنی چاره‌نووسێکی باشتر و شیاوی ئینساندا بۆ کۆمه‌ڵگای عیراق، هاوکات جوڵانەوەی ئه‌م ده‌وره‌یه‌و مانگرتنەکانتان دەورێکی سه‌ره‌کی ده‌گێڕێ لە بوژاندنەوە و هەڵساندنەوەی بزووتنەوەی کرێکاری و پاشەکشەکردن بە بۆرژوازی و دەسەلاتەکەی. هه‌ر بۆیه پلینۆمی ١٤ی کۆمیتەی ناوەندی حیزب بەچاوی ئومێدەوە دەڕوانێتە جێگاورێگای کرێکارانی نەوت و خه‌باته‌که‌یان و ناڕه‌زایه‌تی و مانگرتنەکانی ئێستاش بە هەنگاوێکی گرنگ دەزانێ لە ڕاستای چوونه‌پێشه‌وه‌ی خه‌باتی چینایه‌تیدا. حزبی کۆمۆنیستی کرێکاریی کوردستان وێرای ئه‌وه‌ی که پشتیوانی هه‌مه‌لایه‌نه‌ی خۆی بۆ مانگرتن و خواستە پێشڕه‌وه‌کانتان ده‌رده‌بڕێت، هاوکات به‌ته‌وای تواناوه تێده‌کۆشێت بۆ به‌هێز کردنی ئه‌م جوڵانه‌وه‌یه و به‌سه‌رکه‌وتن گه‌یشتنی. له‌م راستایه‌شدا حزبی کۆمۆنیستی کرێکاریی کوردستان له‌هه‌ولی لێبڕاوانه‌دا ده‌بێت تا سەرجەم کرێکاران و رێکخراوە کرێکاریەکان لە کوردستان‌و جیهان، وه‌ک هێزێکی پشتیوان و هاوچاره‌نووسی چینایه‌تی، له‌مانگرتن و خواسته‌کانتان، بێنه‌مه‌یدانه‌وه.
بژی هاوپشتی و یه‌کگرتوویی کڕیکاران!
سه‌رکه‌وێت خه‌بات و ناڕه‌زایه‌تیه‌کانی کرێکارانی نه‌وت!
پلنۆمی 14ی کۆمیته‌ی ناوه‌ندی
حزبی کۆمۆنیستی کرێکاریی کوردستان
7/4/2013
—
