[١ی ئایار] به‌یاننامه‌ی ڕیکخراوی کرێکارانی بیناسازی…
باله‌یه‌کی ئایاری ئه‌مساڵدا ئێمه‌ی کرێکاران وفه‌رمانبه‌ران ومامۆستیان ته‌وای زه‌حمه‌تکێسان وگشت ده‌رچوانی زانکۆ وپه‌یمانگاکان له‌وانه‌ی ئاماده‌به‌کارن وبێکار ماون،به‌روی بێکاری و هه‌ڵوه‌شانه‌وه‌ی یه‌کجاره‌کی سیسته‌می پاشه‌که‌وت و وه‌لانانی سیاسه‌تی ساتوسه‌ودای شکشت خۆردوی ده‌سه‌ڵاتدانی بۆرجوازی له‌کوردستان بێینه‌مه‌یدان!!!!
رۆژی یه‌کی ئایار وه‌کو رۆژی ناڕه‌زایه‌تی چینی کرێکار،وه‌ك ڕۆژی هاوخه‌باتی وهاوپشتی جیهانی کرێکار ،له‌کرێکارانی کوردستان وجیهان پێرۆزبایی ده‌که‌ین.
هاوڕێیانی کرێکار ژنان و پێیاوانی ئازادی خواز مامۆستایان وفه‌رمانبه‌ران وکارمه‌ندان.
قه‌یرانی سهرمایهی ئیمپریالیستی له‌دوای ساڵی 2008ه‌وه،ئابوری سه‌رتاپای جیهانی سه‌رمایه‌داری تووشی داڕمان کرد.له‌پاڵ هه‌وڵه‌کانیان بۆ شکاندنه‌وه‌ی باری قه‌یرانه‌که به‌سه‌ر شانی کرێکارو زه‌حمه‌تکێشدا،هاوکات ململانێیه‌کی سه‌ختییش له نێوان بلۆکه ئابوری وسیاسیه‌گه‌وره‌کانی بۆرژوازی_ئیحتکاری بۆ تێپه‌ڕاندنی قه‌یرانه‌که وخۆده‌ربازکردن له‌سه‌رحسابی یه‌کتری ده‌ستی پێکرد.ململانێی نێوان بلۆکه ئیمپریالستیه‌کان بۆدابه‌شکردنه‌وه‌ی ناوچه‌کانی نفوزو بازاڕی کاڵاو سه‌رمایه،له‌ناو هه‌لومه‌رجێکدا ده‌چێته پێشه‌وه‌که به‌ڕۆژه‌کانی کۆتایی دنیای تاك جه‌مسه‌ری ده‌ژمێردرێت،ئه‌مرێکا ئه‌و جێگاورێگاتایبه‌ته‌ی که هه‌یبوو وه‌کو سه‌رکرده‌ی جیهانی سه‌رمایه‌داری له‌ده‌ستی داوه.سهرمایهی یئیمپریالستی له‌جه‌رگه‌ی دوباره نه‌خشه‌کێشانه‌وه‌ی ناوچه‌کانی نفوزو ده‌سه‌ڵات وکۆنتڕۆڵی بازاری کاڵاو سه‌رمایه‌دا به‌سه‌ر چه‌ند بکۆک و جه‌مسه‌ردا دابه‌ش بووه‌و ئه‌م پرۆسه‌یه له‌ناو به‌رامبه‌رکێ و پێکدانی به‌رژه‌وه‌ندیه کاندا به شێوه‌یه‌کی مه‌ترسیدار ره‌وتی به‌سه‌رئه‌نجام گه‌یشتنی خۆی ده‌پێوێ.
هاوڕێیان
ئه‌مڕۆ ئێمه کرێکارانی کوردستان، ساڵێکی ترمان خسته‌سه‌ر ته‌مه‌نی ڕه‌نج کێشان و ته‌حه‌مولکردنی ده‌یان ده‌ردومه‌ینه‌تی.
سه‌ره‌ڕای ئه‌وه‌ی که‌له‌م ساڵه‌دا ده‌یان ناڕه‌زایه‌تیو مانگرتنمان له‌دژی هه‌لومه‌رجی کارو ژیانمان به‌ڕووی ده‌سه‌ڵاتو خاوه‌نکاره‌کاندا به‌ڕیخست، سه‌ره‌ڕای ئه‌وه‌ی که بۆ چه‌ندین رۆژ بای کۆتی ده‌وام و گردبونه‌وه و خۆ پێشاندان مان به‌رپاکرد چه‌ندین جار خواسته‌کانمان له‌دوتوێی به‌یاننامه‌و یاداشته‌کاندا دایه‌وه به‌ڕووی ده‌سه‌ڵاتداراندا، به‌ڵام هێشتا ساڵێکمان له‌سته‌مو چه‌وسانه‌وه و بێمافی تێپه‌رکردوه، ساڵیک ڕه‌نج وماندووبوونی ئیمه دیسانه‌وه سه‌رچاوه‌ی زیاتر که‌له‌که‌بوونی سه‌رمایه و داهاتی چینی سه‌رمایه‌داران و به‌رپرسان بووه. وه‌رن با هه‌ر ئه‌مڕۆ و له‌م ڕۆژه‌دا که‌ڕۆژی جیهانی چینی کڕێکار و ده‌ربڕینی ناڕه‌زایه‌تی ئێمه کرێکارانه باژیانی خۆمان و چینی فه‌رمان ڕه‌وا و خاوه‌ن سه‌رمایه‌کان به‌راوردکه‌ین تابزانین نایه‌کسانی و سته‌می نیزامێک که‌ژیانی ئێمه‌ی له‌قاڵب داوه به‌کوێ گه‌یشتووه.
و ژماره‌ی میلۆنێره‌کان و ملیاردێره‌کان و خاوه‌ن کۆمپانیا و بازا‌ڕه‌کان چۆن زیادی کردووه و تادێت ڕیژه‌ی سه‌رمایه‌کانیانشیان ڕوو له‌هه‌ڵکشانه. هاوڵاتیه‌کی ساده‌ی کوردستان نییه، که‌نه‌زانێت به‌شی زۆری ئه‌م ژماره‌یه، به‌رپرسیاران و کاربه‌ده‌ستانێکن که‌ده‌سه‌ڵاتیان به‌ده‌سته‌وه‌یه و سه‌ر به‌پاره‌ته ده‌سه‌ڵاتداره‌کانن.
ئه‌مانه ته‌نها به‌هۆی ئه‌وه‌ی که‌چه‌ک و ئایدۆلۆژیای کوردایه‌تی و ڕابردووی حزبیان هه‌یه و ده‌سه‌ڵاتیان گرتۆته ده‌ست، ئه‌م چینه به‌بێ هێچ ماندوبونێک ژیانیکی فیرعه‌ونانه‌یان بۆخۆیان و ده‌ست و په‌ێوه‌نده‌کانیان سازداوه و له‌ولاشه‌وه ژیان و چاره‌نوسی ئێمه کرێکاران و مه‌حرومانی کۆمه‌ڵگایان به‌هه‌ژاریو نه‌داریو بێکاری و ده‌یان ده‌ردومه‌ینه‌تی تر سپاردووه. له‌ژێر سایه‌ی ده‌سه‌ڵاتی چینی بۆرژوازی کورددا، ئه‌وه ئێمه‌کرێکارانین که‌ژیانی خۆمان و نه‌وه‌کانمان به‌بازاڕی فرۆشی هیزی کار سپێردراوه. سه‌عاتکاری زۆر، کرێی که‌م، بێکاریو و دڵه‌ڕاوکێیی له‌ده‌ستدانی کارو هه‌ڕه‌شه‌ی له‌سه‌رکارده‌رکردن، جیاکاری له‌دانی کرێ و زه‌مانه‌تی کۆمه‌ڵایه‌تی و خانه‌نشینی، تاداسه‌پاندنی له‌ڕاده‌به‌ده‌ری سه‌ختی هه‌لومه‌رجی کار، ئه‌مه ویرای ئه‌وه‌ی که‌به‌هۆی نه‌بونی پێداویستیه‌کانی سه‌لامه‌تی کار وجێکه‌وته نه‌بوونی سیسته‌می پاراستنی گیانی کرێکارانه‌وه مه‌یدانی کار بۆته کوشتارگه .
هه‌روها له ژیانی کۆمه‌ڵایه‌تی ئه‌مڕۆدا، جگه‌له کۆنه‌په‌رستی و دواکه‌وتووییه‌ک که‌ڕۆژانه له‌لایه‌ن ده‌زگاکانی ده‌سه‌لاتو لایه‌نگرانی چینی بۆرژوازیه‌وه ده‌کرێ به‌مێشکی کریکاراندا، جگه له‌گرانی بازاڕ و نه‌بونی خزماتگوزاریه‌کان و بێمه کۆمه‌ڵایه‌تیه‌کان، هیچ یاساو سه‌رچاوه‌یه‌ک نییه که‌له‌پشتی کرێکاران راوه‌ستێ و داکۆکی له‌ژیانی ئه‌م چینه بکات. ده‌سه‌ڵاتداران یاسایان بۆ هه‌موو ئه‌و بوارانه هه‌یه که‌له‌به‌رژه‌وه‌ندی خۆیان و بازاڕو سه‌رمایه‌کانیانه، به‌ڵام مافو ئازادیه‌کانی کریکاران له‌ده‌ره‌وه‌ی یاسان. یاسای وه‌به‌ر هێنان، یاسای ته‌ملیک و قۆرغ کردنی زه‌وی و زارو ناردنه‌ده‌ره‌وه‌ی نه‌وتو هینانو بردنی کاڵا، یاسای پێشمه‌رگه و موچه‌ی به‌رپرسان و په‌رله‌مانتاران، یاسای ئیمتیازاته‌کانی ئاسایش و ده‌زگا ئه‌منیه نهێنیه‌کان، یاسا بۆ مه‌لا و مزگه‌وت و وه‌زاره‌تی ئه‌وقاف .. یاسا بۆ هه‌مووئه‌مانه هه‌یه به‌ڵام ئه‌وه نزیك به27ساڵه ده‌سه‌ڵات له‌کوردستاندا به‌ده‌ست ئه‌حزابی کوردیه‌وه‌یه، ئه‌وه نزیك به27ساڵه حکومه‌تی خۆماڵی فه‌رمان ڕه‌وایه به‌لام نه‌ک هه‌ر یاسایه‌کی بۆکریکاران نییه به‌لكو تائێستاش یاساکانی کاری سه‌رده‌می به‌عس پێوانه‌یه بۆ مافو ئازایه‌کانی کرێکارانی کوردستان.
ته‌نانه‌ت ئه‌گه‌ر کرێکاران له‌م به‌ش یان له‌وبه‌ش ده‌نگی ناره‌زایه‌تی هه‌لبڕن و داوای مافی ڕه‌وای خۆیان بکه‌ن، ئه‌وا به‌نایاسایی له‌قه‌له‌می ده‌ده‌ن و رووبه‌ڕووی دادگاو له‌سه‌رکارده‌رکردن ده‌بنه‌وه.. ئه‌مه‌یه ئه‌و به‌هشته‌ی که‌چینی سه‌رمایه‌دارانی کوردستان و حوکومه‌ته خۆماڵیه‌که‌ی بۆ کرێکارانی کوردستانی سازداوه.. ئایا ئیتر 27ساڵ به‌س نییه بۆئێمه کریکارانی کوردستان چیتر ته‌حه‌مول نه‌که‌ین و بیرێک له‌ژیانی ئیستاو داهاتووی خۆمان و نه‌وه‌کانمان بکه‌یه‌نه‌وه؟ ئایا ئیتر کاتی ئه‌وه نه‌هاتوه که‌ئه‌م هاوکێشه نابه‌رابه‌ریه بگۆڕین و ڕیگای پێکهێنانی ئاڵوگۆڕ له‌ژیانو هه‌لومه‌رجی کاری ئێستاماندا بگرینه‌به‌ر؟
یه‌کی ئایار گه‌رچی ڕۆژی ئیدعانامه‌ی چینایه‌تی کرێکاره، هاوکات ڕۆژی هوشیاربونه‌وه و یه‌کخستنی هه‌وڵو تێکۆشانی ئه‌م چینه‌یه بۆ گرتنه‌به‌ری ئاسۆیه‌کی خه‌باتکارانه به‌دژی هه‌لومه‌رجی ئیستا.
هاورێیان ئێمه‌کرێکارانی کوردستان بۆئه‌وه‌ی ئایاری ئه‌مسال وه‌ک سه‌ره‌تای ده‌وره‌یه‌کی تازه به‌ده‌سته‌وه بگرین، بۆئه‌وه‌ی بتوانین ناره‌زایه‌تیو خه‌باتی یه‌کساڵی رابردوومان بۆبه‌دیهینانی خواسته‌کانمان وجێگیرکردنی مافه‌کانمان له‌یاسای کاردا ده‌سته‌به‌ر به‌که‌ین، ده‌بێ خه‌بات بۆ ئازادی رێکخراوبون بکه‌یه‌نه سه‌رله‌وحه‌ی هه‌وڵ و تێکۆشانه‌کانی داهاتوومان ، چۆنکه به‌بێ ئازادی ڕێکخراوبوون وپێکهێنانی ڕێکخراوه جه‌ماوه‌ریه‌کان، سه‌رکوتو قه‌ده‌غه‌کردنی ناره‌زایه‌تیه‌کانمان یه‌ک ئیحتمالی به‌هێزه له‌لایه‌ن ده‌سه‌ڵاتو خاوه‌نکاره‌کانه‌وه. ئێمه‌ی کریکارانی کوردستان ته‌نها به‌ڕیکخراوبوون و یه‌کگرتویی ریزه‌کانمان له‌شوراکان و یه‌کیه‌تیه‌کرێکاریه‌کان و سه‌ندیکاکاندا ده‌توانین هاوکێشه‌ی هێزی چینایه‌تی خۆمان له‌به‌رامبه‌ر خاوه‌نکارو ده‌سه‌ڵاتدا بگۆڕین و خواسته‌کانمان به‌دی بهێنن. بژی 1ی ئایار رۆژی هاو پشتی و هاوخه‌باتی چینی کرێکار
ده‌سته‌ی کارگێری
ڕێکخراوی کرێکارانی بیناسازی له کوردستان
ئایاری 2018
